Conferéncia a Sant Mateu suls Bons Òmes al territòri valencian

Pendent las Fèstas de “Sant Mateu Medieval” dins la comarca valenciana del Maestrat, s’a celebrat una interessanta conferéncia intitulada “Los Catars Valencians e las siás influéncias al Maestrat”, sus la preséncia dels Bons Òmes dins las tèrras valencianas, organizada per l’Associacion culturala e toristica “Camins dels Càtars”.

Pendent la taula redonda celebrada a las dependéncias de la meteissa Comuna, presentada per en José Luís Soler, coordinator del projècte toristic “Camins dels Càtars”, los membres de l’Associacion Òc-Valéncia, Lluís Fornés e Roger Mira, expliquèron las activitats qu’an realizat dempuèi fa fòrça ans per la promocion e la coneissença de la cultura e l’istòria occitana, coma per exemple la publicacion de la revista “Paraula d’oc”.

Egalament, expausèron las descobèrtas qu’an realizat sus la preséncia occitana al nòrd del territòri valencian, mejançant la toponimia, los noms de familha… fòrça semblables als occitans, consequéncia de l’immigracion occitana cap al sud e que nos pòdon indicar tanben la possibla preséncia de Bons Òmes dins aquelas comarcas.

Devèm remembrar que las darrièras comunitats de Bons Òmes enregistradas demorèron en las comarcas valencianas, e devèm estudiar e conéisser aquel eiretatge

You May Also Like

Daissar un comentari

Vòstra adreça de messatjariá serà pas publicada. Los camps obligatòris son indicats amb *