PRESENTACION D’“ELS CAMINS CÀTARS DE LA GRANADELLA”

Lo passat jorn 21 d’Abril se presentèt a la vila de La Granadella (dins la comarca catalana de Les Garrigues) lo libre “Els Camins Càtars de La Granadella”, escrich per Esteve Canet, autor del roman “El Càtar de La Granadella” e José Luís Soler, coordinator del projècte toristic cultural transregional “Los Camins dels Catars”, en lo marc de la recuperacion de la memòria istorica suls Bons Òmes.

La session comencèt amb un esvagat recorregut pels environs e l’interiora de la vila, acompanhats per lo Cònsol Carlos Gibert e Bernaus, que mostrèt los possibles camins que los Bons Òmes que viatjavan a La Granadella podián aver utilizat fòrça sègles enrè (unes 700 ans). La situacion estrategica de la vila convertiguèt La Granadella en un caireforc de camins fòrça transitats e que marquèt la siá istòria en granda mesura.

    Castèl de La Granadella

Posteriorament al “Centre 1 d’Octubre” de la vila se celebrèt una conferéncia ont lo Cònsol de La Granadella realizèt un brèu entratge sus l’istòria de la vila, e los dos autors expliquèron las siás motivacions per escriure aquel libre e l’importància de far conéisser l’istòria dels Bons Òmes.

Un dels aisses de la conferéncia se basèt en la figura de Raimond de Castèlnau, d’origina occitana e que residiguèt a La Granadella e foguèt lo darrièr Perfièch Catar de Catalonha. Una mòstra evidenta de la granda preséncia d’occitans dins las tèrras catalanas, fruch de l’emigracion al cors dels sègles per motius politics e economics.

Lo libre, fòrça plan illustrat, es estat mercès a una collaboracion entre la Comuna de La Granadella, l’Institut d’Estudis Ilerdencs e la Deputacion de Lleida, editat per Servitur en collaboracion amb la revista “El Món Medieval”, en lo marc de potenciar lo projècti de “Camins dels Catars”, coma un Itinerari Cultural Europèu del Conselh d’Euròpa, amb la volontat d’organizar tot una seguida d’iniciativas destinadas a recuperar lo passat dels Bons Òmes dins las comarcas catalanas de Ponent, las Tèrras de l’Ebre, lo Maestrat valencian e lo Matarranya. Unas iniciativas necessàrias e fòrça interessantas d’una granda qualitat.

You May Also Like

One thought on “PRESENTACION D’“ELS CAMINS CÀTARS DE LA GRANADELLA”

Daissar un comentari

Vòstra adreça de messatjariá serà pas publicada. Los camps obligatòris son indicats amb *